არაბთა გაერთიანებული საამიროების საგარეო საქმეთა სახელმწიფო მინისტრმა, მისმა აღმატებულებამ საიდ ბინ მუბარაქ ალ ჰაჯერიმ, ოფიციალური ვიზიტით საქართველოს ეწვია, რაც კიდევ ერთხელ ადასტურებს ორ ქვეყანას შორის მტკიცე და მეგობრულ ურთიერთობებს.
ვიზიტის ფარგლებში, მისმა აღმატებულებამ და მისმა დელეგაციამ შეხვედრები გამართეს საქართველოს პრემიერ-მინისტრ ირაკლი კობახიძესთან; ვიცე-პრემიერთან და საგარეო საქმეთა მინისტრ მაკა ბოჭორიშვილთან; იუსტიციის მინისტრ პაატა სალიასთან; განათლების, მეცნიერებისა და ახალგაზრდობის მინისტრ გივი მიქანაძესთან; გარემოს დაცვისა და სოფლის მეურნეობის მინისტრ დავით სონღულაშვილთან; და ეკონომიკისა და მდგრადი განვითარების მინისტრის მოადგილე გენადი არველაძესთან.
შეხვედრებზე განიხილეს ორმხრივი ურთიერთობები, თანამშრომლობის შემდგომი გაღრმავების შესაძლებლობები და საქართველოში მიმდინარე და დაგეგმილი საამიროების საინვესტიციო პროექტების მნიშვნელობა.
მხარეებმა ასევე განიხილეს რეგიონული საკითხები, მათ შორის ახლო აღმოსავლეთში მიმდინარე მოვლენები და საქართველოს როლი სამხრეთ კავკასიაში.
ვიზიტმა კიდევ ერთხელ დაადასტურა არაბთა გაერთიანებული საამიროების მზადყოფნა, გააძლიეროს საქართველოსთან თანამშრომლობა და ორმხრივი ურთიერთობები საერთო ინტერესების სფეროებში.
