Արաբական Միացյալ Էմիրություններ և Ծոցի երկրներ հայկական արտադրանքի արտահանման հարցերով առաջին հանդիպման արդյունքների շարունակական դիտարկման, ինչպես նաև Ծոցի շուկաներ հայկական արտադրանքի մուտքը դյուրացնելու վերաբերյալ դիվանագիտական ներկայացուցչությունների առաջարկություններին ու դիտարկումներին ծանոթանալու նպատակով ՀՀ էկոնոմիկայի նախարար Ն․Գ․ Գևորգ Պապոյանն ընդունել է Հայաստանի Հանրապետությունում Արաբական Միացյալ Էմիրությունների դեսպան Ն.Գ. դոկտոր Նարիման Ալ Մուլլային, ինչպես նաև ՀՀ-ում Քուվեյթի Պետության, Կատարի Պետության և Իրաքի Հանրապետության դեսպաններին և ներկայացուցիչներին։ Հանդիպմանը ներկա են գտնվել նաև ՀՀ էկոնոմիկայի նախարարի տեղակալներ Արման Խոջոյանը և Անուշիկ Ավետյանը։

Հայաստանի Հանրապետությունում Արաբական Միացյալ Էմիրությունների դեսպան դոկտոր Նարիման Ալ Մուլլան ընդունել է Հայաստանի ներդրումային խորհրդի ղեկավար Հովսեփ Պատվականյանին։ Հանդիպման ընթացքում կողմերը քննարկել են ներդրումային ոլորտում համագործակցության ընդլայնման ուղիները, Հայաստանի Հանրապետությունում առկա հեռանկարային ներդրումային հնարավորությունները, ինչպես նաև երկու երկրների գործարար համայնքների միջև գործընկերային կապերի խթանման մեխանիզմները։

Հայաստանի Հանրապետությունում Արաբական Միացյալ Էմիրությունների դեսպան Ն․Գ․ դոկտոր Նարիման Ալ Մուլլան ընդունել է Հայաստանում ՄԱԿ-ի մշտական համակարգող Ֆրանսուազ Ժակոբին։ Հանդիպման ընթացքում քննարկվել են Արաբական Միացյալ Էմիրությունների և Հայաստանում ՄԱԿ-ի համակարգի միջև համագործակցության ամրապնդման ուղիները, տարածաշրջանային և միջազգային իրավիճակի վերջին զարգացումները, ինչպես նաև փոխադարձ հետաքրքրություն ներկայացնող մի շարք հարցեր։

Արաբական Միացյալ Էմիրությունների «Զայեդի կայունության մրցանակ» նախաձեռնությունն սկսել է «Փնտրում ենք առաջնորդներ» խորագրով արշավ-մրցանակաբաշխություն, որի շրջանակներում մասնակիցները պետք է նորարարական լուծումներ և կրթական ծրագրեր ներկայացնեն առողջապահության, սննդի, ջրի և էներգետիկայի ոլորտներում։ Փոքր կամ միջին հաստատությունները, շահույթ չհետապնդող կազմակերպությունները և միջնակարգ դպրոցները կարող են իրենց հայտերը ներկայացնել կայունության չորս ոլորտների շրջանակներում ՝ առողջություն, սնունդ, էներգիա և ջուր նշված էլ. հասցեով ՝ info@zayedsustainabilityprize.com: Լրացուցիչ տեղեկություններ կարելի է գտնել https://zayedsustainabilityprize.com/ կամ http://escs.am/am/news/6324:

Նկարագրություն. ԱՄԷ-ն որոշում է կայացրել երկու շաբաթով նորոգել ԱՄԷ-ի վավերական մուտքի վիզա ունեցող բոլոր օտարերկրյա քաղաքացիների մուտք` նպատակ ունենալով զսպել Covid-19 համաճարակի տարածումը և ապահովել քաղաքացիների անվտանգությունը: Նախարարությունը խնդրում է ԱՄԷ կեցության վավեր վիզա ունենալու դեպքում `գրանցվել« Տավաջուդի բնակիչների համար »ծառայության մեջ, որը վերջերս գործարկվել է ԱՄԷ արտաքին գործերի նախարարության խողմից բնակիչների անվտանգ վերադարձը կազմակերպելու և հեշտացնելու համար:

COVID-19- ի արագ բռնկման և մի շարք երկրների հետ ավիացիոն թռիչքների դադարեցման պատճառով, Արտաքին գործերի և միջազգային համագործակցության նախարարությունը արտերկրում գտնվող էմիրությունների քաղաքացիներին հորդորում է վերադառնալ հայրենիք: Նախարարությունը ԱՄԷ-ի քաղաքացիներին կոչ է անում գրանցվել Tawajudi համակարգում` նախարարության կայքի և բջջային հավելվածի միջոցով: