ԱՄԷ-ի եւ ՀՀ-ի միջեւ առեւտրատնտեսական համագործակցության ամրապնդմանը միտված ջանքերի շրջանակներում եւ երկու բարեկամ երկրների միջեւ առեւտրաշրջանառության աջակցման նոր հնարավորությունների բացահայտման նպատակով Հայաստանի Հանրապետությունում Արաբական Միացյալ Էմիրությունների դեսպան Ն․Գ․ դոկտոր Նարիման Ալ Մուլլան առցանց հանդիպում է ունեցել Դուբայի առեւտրարդյունաբերական պալատների եւ «Սոլիթ Էյր» ընկերության ներկայացուցիչների հետ։ Հանդիպման ընթացքում քննարկվել են ԱՄԷ շուկաներ հայկական արտադրանքի արտահանման ընդլայնման հեռանկարները: Անդրադարձ է կատարվել նաև երկու երկրների միջեւ առեւտրային հոսքերի խթանմանն ուղղված առկա լոգիստիկ լուծումներին, այդ թվում՝ օդային բեռնափոխադրման ծառայություններին եւ հայկական արտադրանքն ԱՄԷ հասցնելու արագ եւ արդյունավետ մեխանիզմների դյուրացմանը։
Հանդիպման մասնակիցները քննարկել են նաեւ հայ արտադրողների, արտահանողների եւ ԱՄԷ-ում մանրածախ վաճառքի շղթաների միջեւ անմիջական հաղորդակցության ուղիներ հաստատելու հնարավորությունները, ինչպես նաեւ հայկական արտադրանքը էմիրաթցի սպառողին հասցնելու գործնական մեխանիզմները:
Ն.Գ. դեսպանն իր հերթին հաստատելէ, որ ԱՄԷ-ն շահագրգռված է ամրապնդելու իր տնտեսական գործընկերությունը ՀՀ-ի հետ եւ աջակցություն ցուցաբերելու երկու երկրների միջեւ առեւտրաշրջանառության աճը խթանող եւ տնտեսական համագործակցության ոլորտների դիվերսիկացմանը նպաստող նախաձեռնություններին: Ն. Գ. դեսպանը շեշտել է նաեւ ԱՄԷ-ի եւ Եվրասիական տնտեսական միության միջեւ կնքված «Տնտեսական գործընկերության մասին» համաձայնագրի կիրառման կարեւորությունը՝ ընդգծելով, որ առեւտրական շարժի եւ ներդրումների խթանման տեսանկյունից այս համաձայնագիրը ստեղծում է մի շարք խոստումնալից հնարավորություններ և առավելություններ: Նորին Գերազանցությունը պարզաբանել է, որ սույն համաձայնագրով արտոնյալ ռեժիմ է տրամադրվում հայկական ներկայիս արտահանվող ապրանքների մոտ 95%-ին և նպաստում է բազմաթիվ այլ ապրանքների մաքսատուրքերի նվազեցմանը, ինչն էլ իր հերթին բարձրացնում է հայկական արտադրանքի մրցունակությունը ԱՄԷ շուկայում՝ բացելով ուղիներ վերամշակող արտադրության մեջ դրանց օգտագործման, ինչպես նաեւ ԱՄԷ-ի միջոցով Մերձավոր Արևելքի և Հյուսիսային Աֆրիկայի տարածաշրջանի ավելի լայն շուկաներ վերաարտահանման համար, այդպիսով ստեղծելով ավելացված արժեք երկու կողմերի համար եւ խթանելով երկկողմ տնտեսական հարաբերությունների ընդլայնումը:
