Դեսպանության նորություններ

ՀՀ-ում ԱՄԷ դեսպանության գործերի հավատարմատար տկն․ Ահլամ ԱլՍալամին հանդիպել է ՀՀ աշխատանքի եւ սոցիալական հարցերի նախարար պրն․ Նարեկ Մկրտչյանի հետ։ Հանդիպման ընթացքում քննարկել են 2021 թ._ ին համատեղ իրականացրած սոցիալական եւ մարդասիրական ծրագրերը։ Քննարկվել է նաեւ Հայաստանի կարիքավոր ընտանիքների կենսակերպի բարելավմանն ուղղված նոր ծրագրերի իրականացման հնարավորությունները։

ՀՀ-ում ԱՄԷ դեսպանության գործերի հավատարմատար Ահլամ ալ Սալամին ճանաչողական այց է կատարել Երևանի Կոմիտասի անվան պետական կոնսերվատորիա, որի ընթացքում հանդիպել է Կոնսերվատորիայի ռեկտոր Սոնա Հովհաննիսյանի և մի շարք ներկայացուցիչների հետ։ Ռեկտորը ներկայացրել է շուրջ 100 տարի առաջ հիմնադրված ինստիտուտի պատմությունն ու ձեռքբերումները, ինչպես նաև անդրադարձ է կատարվել մշակույթի և արվեստի ոլորտում համագործակցության հեռանկարներին:

ՀՀ-ում ԱՄԷ դեսպանության գործերի հավատարմատար Ահլամ ալ-Սալամին մասնակցել է Գլոբալիզացիայի եւ տարածաշրջանային համագործակցության վերլուծական կենտրոնի կողմից կազմակերպված «Հայաստան 2021. մարտահրավերներ և կանխատեսումներ» խորագրով կոնֆերանսին, որին մասնակցել են ՀՀ-ում հավատարմագրված մի շարք դեսպաններ և դիվանագետներ: Քննարկվել են ներքաղաքական և տարածաշրջանային վերջին զարգացումները:

ՀՀ-ում ԱՄԷ դեսպանության գործերի հավատարմատար Ահլամ Ռաշիդ Ալ-Սալամին այցելել է ՀՀ Արարատի մարզ և հանդիպել մարզպետ Ռազմիկ Թևոնյանի հետ: Հանդիպման ընթացքում անդրադարձ է եղել երկու երկրների միջև առկա բարեկամական հարաբերություններին: Մարզպետը ներկայացրել է մարզում գյուղատնտեսության ոլորտի` հատկապես անասնաբուծության ներուժը` կարևորելով ԱՄԷ-ի և մարզպետարանի միջև տարբեր ոլորտներում հնարավոր համագործակցությունը և այդ համատեքստում անդրադարձել է տեղական արտադրանքն Էմիրություններ արտահանելու հնարավորությանը:

ԱՄԷ-ն բժշկական օգնություն է ուղարկել Հայաստան` աջակցություն Covid-19- ի տարածման դեմ պայքարում