Ն․Գ․ դր․ Ալի Ալ-Նուայիմիի հանդիպումը ՀՀ ԱԺ արտաքին հարաբերությունների մշտական հանձնաժողովի նախագահի հետ

ՀՀ-ում գտնվող ԱՄԷ Դաշնային ազգային խորհրդի պաշտպանության, ներքին գործերի և արտաքին հարցերով հանձնաժողովի նախագահ Ն․ Գ․ դոկտոր Ալի Ալ-Նուայիմին ՀՀ ԱԺ արտաքին հարաբերությունների մշտական հանձնաժողովի նախագահ Ն․Գ․ Սարգիս Խանդանյանի հետ քննարկել է երկու երկրների միջև խորհրդարանական համագործակցության ամրապնդման ուղիները՝ ընդգծելով գործընկերության և բարեկամության հուշագրի ստորագրման կարևորությունը խորհրդարանական ինստիտուցիոնալ աշխատանքի և համագործակցության ընդլայնման տեսանկյունից:

Ն․ Գ․ դոկտոր Ալի Ռաշիդ Ալ-Նուայիմին բարձր է գնահատել ԱՄԷ-ի և ՀՀ-ի միջև երկկողմ հարաբերությունների ամրությունը և երկու երկրների կառավարությունների ձգտումը տնտեսական, առևտրային և ներդրումային ոլորտներում դրանց ամրապնդման տեսանկյունից:

Միաժամանակ, ՀՀ ԱԺ արտաքին հարաբերությունների մշտական հանձնաժողովի նախագահը կարևորել է այս այցը և փոխըմբռնման հուշագրի ստորագրման միջոցով համագործակցության ակտիվացումը։

Հանդիպմանը ներկա են գտնվել Դաշնային Ազգային խորհրդի պատվիրակության անդամներ Ն․Գ Սառա Ֆալաքնազը, Մուհամմադ Ալ-Քաշֆը, Մարուան Ալ-Մհեյրին, Ահմեդ Խուրին, դր․ Սիդրա Ալ-Մանսուրին, ինչպես նաև խորհրդարանական կապի գծով Գլխավոր քարտուղարի օգնական Աֆրա Ալ-Բաստին և ՀՀ-ում ԱՄԷ դեսպան Ն․Գ․ դր․ Նարիման Ալ-Մուլլան։