Հայաստանում ԱՄԷ դեսպանը ՄԱԿ-ի մշտական համակարգողի հետ քննարկել է կայունության և զարգացման ոլորտներում համագործակցության ամրապնդումը
Հայաստանի Հանրապետությունում Արաբական Միացյալ Էմիրությունների դեսպան Ն․Գ․ դոկտոր Նարիման Ալ Մուլլան ընդունել է Հայաստանում ՄԱԿ-ի մշտական համակարգող Ֆրանսուազ Ժակոբին։ Հանդիպման ընթացքում քննարկվել են Արաբական Միացյալ Էմիրությունների և Հայաստանում ՄԱԿ-ի համակարգի միջև համագործակցության ամրապնդման ուղիները, տարածաշրջանային և միջազգային իրավիճակի վերջին զարգացումները, ինչպես նաև փոխադարձ հետաքրքրություն ներկայացնող մի շարք հարցեր։
Հանդիպման ընթացքում Ֆրանսուազ Ժակոբը բարձր է գնահատել Արաբական Միացյալ Էմիրությունների առաջատար դերը ՄԱԿ-ի համակարգին աջակցելու և մարդասիրական ու զարգացման ոլորտներում շարունակական ներդրում կատարելու գործում։ Նա արժևորել է նաև ԱՄԷ-ի մոտեցումը բազմակողմ համագործակցության ամրապնդման և կայուն զարգացման ջանքերին աջակցելու ուղղությամբ։ Ֆրանսուազ Ժակոբը նաև բարձր է գնահատել ԱՄԷ-ի դերը Հարավային Կովկասում խաղաղության և կայունության խթանման գործում՝ նշելով, որ Հայաստանի Հանրապետության և Ադրբեջանի միջև հանդիպումների հյուրընկալումը նպաստել է երկխոսության ամրապնդմանը և կողմերի միջև վստահության ձևավորմանը։
Իր հերթին, դեսպան Նարիման Ալ Մուլլան ընդգծել է ԱՄԷ-ի շահագրգռվածությունը Հայաստանի և ՄԱԿ-ի համակարգի հետ համագործակցության խորացման հարցում, մասնավորապես՝ տնտեսության, ներդրումների, տեխնոլոգիաների և կայուն զարգացման ոլորտներում։ Նա ներկայացրել է ԱՄԷ-ի հետաքրքրվածությունը ջրային ռեսուրսների կառավարման և թափոնների վերամշակման ոլորտներում համագործակցության հնարավորությունների ուսումնասիրման, ինչպես նաև շրջանաձև տնտեսության և կայուն զարգացման բնագավառներում էմիրաթական փորձի կիրառման ուղղությամբ՝ ՄԱԿ-ի գործակալությունների հետ համատեղ ծրագրերի իրականացմանն աջակցելու նպատակով։
Կողմերը քննարկել են նաև առողջապահության ոլորտում համագործակցության հնարավորությունները։ Դեսպան Նարիման Ալ Մուլլան ներկայացրել է առողջապահական համակարգի զարգացման ԱՄԷ-ի փորձը, իսկ ՄԱԿ-ի մշտական համակարգողը վերահաստատել է ՄԱԿ-ի շարունակական աջակցությունը Հայաստանի կառավարությանը՝ համընդհանուր առողջապահական ապահովագրության ծրագրի իրականացման և առողջապահական ծառայությունների զարգացման գործում։
Հանդիպման ընթացքում անդրադարձ է կատարվել նաև ջրային ռեսուրսների կայուն կառավարման կարևորությանը։ Դեսպան Նարիման Ալ Մուլլան ներկայացրել է 2026 թվականի դեկտեմբերի 8-ից 10-ը Աբու Դաբիում ՄԱԿ-ի Ջրի համաժողովն ընդունելու Արաբական Միացյալ Էմիրությունների նախապատրաստական աշխատանքները՝ ընդգծելով ջրային անվտանգության և կլիմայի փոփոխության հետ կապված մարտահրավերների համար նորարարական լուծումներ գտնելու նպատակով միջազգային համագործակցության ամրապնդման կարևորությունը։
Կողմերն անդրադարձել են նաև 2026 թվականի հոկտեմբերի 19-ից 30-ը Հայաստանի Հանրապետությունում ՄԱԿ-ի Կենսաբազմազանության մասին կոնվենցիայի Կողմերի 17-րդ համաժողովի (COP17) անցկացման նախապատրաստական աշխատանքներին՝ ընդգծելով համակարգման և համագործակցության կարևորությունը միջազգային այս միջոցառման հաջող անցկացման համար։
ՀՀ էկոնոմիկայի նախարարն ընդունել է Ծոցի երկրների (ԱՄԷ, Կատար, Քուվեյթ) և Իրաքի Հանրապետության դեսպաններին՝ քննարկելու առևտրատնտեսական համագործակցության ամրապնդման ուղիները
Արաբական Միացյալ Էմիրություններ և Ծոցի երկրներ հայկական արտադրանքի արտահանման հարցերով առաջին հանդիպման արդյունքների շարունակական դիտարկման, ինչպես նաև Ծոցի շուկաներ հայկական արտադրանքի մուտքը դյուրացնելու վերաբերյալ դիվանագիտական ներկայացուցչությունների առաջարկություններին ու դիտարկումներին ծանոթանալու նպատակով ՀՀ էկոնոմիկայի նախարար Ն․Գ․ Գևորգ Պապոյանն ընդունել է Հայաստանի Հանրապետությունում Արաբական Միացյալ Էմիրությունների դեսպան Ն.Գ. դոկտոր Նարիման Ալ Մուլլային, ինչպես նաև ՀՀ-ում Քուվեյթի Պետության, Կատարի Պետության և Իրաքի Հանրապետության դեսպաններին և ներկայացուցիչներին։ Հանդիպմանը ներկա են գտնվել նաև ՀՀ էկոնոմիկայի նախարարի տեղակալներ Արման Խոջոյանը և Անուշիկ Ավետյանը։
ԱՄԷ դեսպանը Հայաստանի ներդրումային խորհրդի նախագահի հետ քննարկել է ներդրումային համագործակցության ընդլայնումն ու ITIF2026 համաժողովի նախապատրաստական աշխատանքները
Հայաստանի Հանրապետությունում Արաբական Միացյալ Էմիրությունների դեսպան դոկտոր Նարիման Ալ Մուլլան ընդունել է Հայաստանի ներդրումային խորհրդի ղեկավար Հովսեփ Պատվականյանին։ Հանդիպման ընթացքում կողմերը քննարկել են ներդրումային ոլորտում համագործակցության ընդլայնման ուղիները, Հայաստանի Հանրապետությունում առկա հեռանկարային ներդրումային հնարավորությունները, ինչպես նաև երկու երկրների գործարար համայնքների միջև գործընկերային կապերի խթանման մեխանիզմները։
Հայաստանում ԱՄԷ դեսպանը Դուբայի առեւտրաարդյունաբերական պալատների հետ քննարկել է հայկական արտադրանքի արտահանման խթանումը ԱՄԷ շուկաներ
ԱՄԷ-ի եւ ՀՀ-ի միջեւ առեւտրատնտեսական համագործակցության ամրապնդմանը միտված ջանքերի շրջանակներում եւ երկու բարեկամ երկրների միջեւ առեւտրաշրջանառության աջակցման նոր հնարավորությունների բացահայտման նպատակով Հայաստանի Հանրապետությունում Արաբական Միացյալ Էմիրությունների դեսպան Ն․Գ․
Հայաստանում ԱՄԷ դեսպանը մասնակցել է ՀՀ-ի եւ Ծոցի երկրների միջեւ առեւտրատնտեսական համագործակցության ամրապնդմանը նվիրված հանդիպմանը
Հայաստանի Հանրապետությունում Արաբական Միացյալ Էմիրությունների դեսպան Ն․Գ․ դոկտոր Նարիման Ալ Մուլլան մասնակցել է ՀՀ էկոնոմիկայի փոխնախարարներ պրն. Արման Խոջոյանի եւ պրն. Նարեկ Հովակիմյանի կողմից ՀՀ-ում հավատարմագրված ԱՄԷ-ի, Քուվեյթի, Կատարի եւ Իրաքի դիվանագիտական ներկայացուցիչների հետ կազմակերված հանդիպմանը:
