آج - ایک فون کال کے دوران - صدر مملکت عزت مآب شیخ محمد بن زايد آل نهيان حفظه الله نے جمہوریہ آذربائیجان کے صدر عزت مآب الہام علییف کے ساتھ بات چیت کی... چنانچہ اس دوران دونوں ممالک کے تعلقات کو مضبوب کرنے نیز ترقی کے تعلق سے دونوں ممالک کی امنگوں کو حاصل کرنے کے لیے وسیع افق تک تعاون کو فروغ دینے کے مواقع کے متعلق گفتگو ہوئی۔
اس فون کال کے دوران عزت مآب اور صدر الہام علییف نے متحدہ عرب امارات اور آذربائیجان کے درمیان مشترکہ تعاون کی ترقی کی سطح کا جائزہ لیا۔ خاص طور پر اہم اقتصادی، ترقیاتی، قابل تجدید توانائی اور دیگر شعبے جو دونوں ممالک میں پائیدار ترقی میں اہم کردار ادا کرتے ہیں۔ چنانچہ فریقین نے متعدد علاقائی اور بین الاقوامی امور اور مشترکہ دلچسپی کے موضوعات پر بھی تبادلہ خیال کیا۔
مزید برآں اس فون کال کے دوران اقوام متحدہ کے فریم ورک کنونشن آن کلائمیٹ چینج (COP28) کے فریقین کی کانفرنس سے متعلق بھی بات چیت کی گئی جس کی سرگرمیاں ایکسپو سٹی دبئی میں فی الحال جاری ہیں..اس تناظر میں، آذربائیجان کے صدر نے اس امید کا اظہار کیا کہ کانفرنس کے نتائج عالمی ماحولیاتی ایکشن کے عمل میں ٹھوس عملی اقدامات کے حصول اور موسمیاتی تبدیلی کے چیلنجوں کا اس طرح سے مقابلہ کرنے میں معاون ثابت ہوں گے جس سے دنیا کے تمام لوگوں کے لیے پائیدار اقتصادی اور سماجی ترقی میں اضافہ ہو گا۔
