صدر مملکت کو قطر کے امیر کی طرف سے موصول ہوا خلیجی سربراہی اجلاس میں شرکت کا دعوت نامہ..منصور بن زاید نے اسے کیا وصول

صدر مملکت عزت مآب شیخ محمد بن زايد آل نهيان حفظه الله کو ان کے بھائی امیر مملکت قطر عزت مآب شیخ تمیم بن حمد آل ثانی کی طرف سے تحریری پیغام موصول ہوا جو کہ عالی ذی وقار کو خلیج تعاون کونسل کی سپریم کونسل کے 44ویں اجلاس میں شرکت کی دعوت پر مشتمل ہے۔ واضح رہے کہ قطر اگلے دسمبر میں اس کی میزبانی کرے گا۔
متحدہ عرب امارات کے نائب صدر، نائب وزیر اعظم اور صدارتی دفتر کے سربراہ عزت مآب شیخ منصور بن زايد آل نهيان نے آج ابوظہبی میں قصر البحر کونسل میں اپنے استقبالیہ کے دوران اس پیغام کو وصول کیا۔ مملکت میں قطر کے سفیر المنصوری نے اس پیغام کو ان کے حوالہ کیا۔ مزید براں سفر محترم نے صدر مملکت کو ان بھائی عالی ذی وقار شیخ تمیم بن حمد الثانی کا سلام عرض کیا نیز ان کی جانب سے متحدہ عرب امارات کی ترقی اور خوشحالی کے لیے ان کی نیک خواہشات کا اظہار کیا۔ 
اس ملاقات کے دوران فریقین نے برادرانہ تعلقات، تعاون اور ان تمام شعبوں میں مشترکہ کام پر بھی تبادلہ خیال کیا جس سے دونوں دوست ممالک کے باہمی مفادات پورے ہونگے نیز وہاں کے عوام کابھلا ہوگا اور خوشحالی آئے گی۔