متحدہ عرب امارات نے اقوام متحدہ کی سلامتی کونسل کی جانب سے اقوام متحدہ میں فلسطین کی ریاست کی مکمل رکنیت کو قبول کرنے کے مسودے کی منظوری میں ناکامی پر افسوس کا اظہار کیا۔ دریں اثناء اس نے اس بات پر زور دیا کہ فلسطین کو مکمل رکنیت دینا خطے میں امن کی کوششوں کو تقویت دینے کے لیے ایک اہم قدم ہے۔
ایک بیان میں وزیر مملکت عزت مآب خلیفہ شاہین المرر نے اس بات کی وضاحت کی کہ متحدہ عرب امارات امن و انصاف کے فروغ اور دوست فلسطینی عوام کے حقوق کے تحفظ، دو ریاستی حل کے حصول اور فلسطینی اسرائیل تنازعہ کو ختم کرنے والے بین الاقوامی قانونی قرار دادوں اور متعلقہ معاہدوں کے مطابق ایک آزاد اور خود مختار فلسطینی ریاست کے قیام کے اپنے عزم پر ثابت قدم ہے۔
عزت مآب نے کہا کہ متحدہ عرب امارات نے ہمیشہ عالمی برادری سے جامع اور منصفانہ امن کے حصول کے لیے کی جانے والی تمام کوششوں کو تقویت دینے کا مطالبہ کیا ہے کیونکہ خطے کو کشیدگی، تشدد اور عدم استحکام کے چنگل سے نکلنے کا یہی ایک واحد راستہ ہے۔
عزت مآب المرر نے مشرق وسطیٰ میں امن عمل کو آگے بڑھانے کے لیے تمام علاقائی اور بین الاقوامی کوششوں کی حمایت کی ضرورت پر متحدہ عرب امارات کے موقف پر بھی زور دیا۔ اس کے ساتھ ساتھ عزت مآب نے ان غیر قانونی طریقوں کو ختم کرنے پر زور دیا جو دو ریاستی حل اور دوست فلسطینی عوام کے حق خودارادیت کے لیے خطرہ ہیں، ایک منصفانہ، دیرپا اور جامع حل کے حصول کی حمایت کے ذریعہ جس سے کہ فلسطینی اور اسرائیلی عوام نیز پورے خطے میں سلامتی، استحکام اور خوشحالی حاصل آئے۔
