وزیر مملکت عزت مآب احمد بن علی الصايغ نے ابوظہبی میں وزارت خارجہ کے جنرل آفس میں جمہوریہ جنوبی کوریا کے نائب وزیر خارجہ كيم ہونگ کیون کا استقبال کیا۔
چنانچہ اس ملاقات کے دوران، انہوں نے متحدہ عرب امارات اور جمہوریہ جنوبی کوریا کے درمیان دوطرفہ تعلقات کو بڑھانے کے طریقوں، اور خصوصی اسٹریٹجک تعلقات کے فریم ورک کے اندر مختلف شعبوں میں وسیع افق تک تعاون کو فروغ دینے کے مواقع پر تبادلہ خیال کیا جو دونوں ممالک کو ایک دوسرے سے جوڑتے ہیں۔
دونوں فریقوں نے مشترکہ دلچسپی کے متعدد امور پر تبادلہ خیال کیا جن میں قابل تجدید توانائی اور پرامن جوہری توانائی کے شعبے میں تعاون بڑھانے کے طریقوں، دفاعی شعبے اور دفاعی صنعتوں میں تعاون بالخصوص اقتصادی اور تجارتی شعبوں میں تعاون کو بڑھانا شامل ہے۔ جس سے کہ دونوں دوست ممالک اور عوام کو فائدہ حاصل ہو۔
یہ امید ظاہر کرتے ہوئے کہ دونوں ممالک کے درمیان جلد از جلد اس معاہدے پر باضابطہ دستخط کر دیے جائیں گے، اس تناظر میں، عزت مآب كيم ہونگ کیون نے جامع اقتصادی شراکت داری کے معاہدے کی بات چیت کی تکمیل کو خوب خوب سراہا۔
مزید برآں دونوں فریقوں نے مشرق وسطیٰ اور جزیرہ نما کوریا میں سلامتی اور استحکام سمیت مشترکہ دلچسپی کے علاقائی مسائل پر بھی بات کی۔ چنانچہ اس دوران دونوں فریقوں نے مشترکہ چیلنجوں کا مقابلہ کرنے اور خطے میں امن و خوشحالی کو فروغ دینے کے لیے بات چیت، تعاون اور تنازعات کو پرامن طریقوں سے حل کرنے کے اپنے عزم کا اعادہ کیا۔
