متحدہ عرب امارات نے سوڈان میں متحارب فریقوں کو مبینہ طور پر اسلحہ اور گولہ بارود کی فراہمی کے بارے میں ایک میڈیا ادارے کی رپورٹ میں عائد دعووں اور الزامات کی دوٹوک تردید کی ہے، وزارت خارجہ میں اسٹریٹجک کمیونیکیشن کی ڈائریکٹر عفراء الهاملی نے کہا کہ متحدہ عرب امارات نے اپریل 2023 میں تنازعہ شروع ہونے کے بعد سے سوڈان میں کسی بھی متحارب فریق کو اسلحہ اور گولہ بارود فراہم نہیں کیا ہے۔
مزید برآں، الهاملی نے اس بات کی تصدیق کی کہ متحدہ عرب امارات سوڈان کے موجودہ تنازعہ میں فریق نہیں ہے، اور اس تنازعے کے خاتمے کا خواہاں ہے اوروہ سوڈان کی خودمختاری کا احترام کرنے کا مطالبہ کرتا ہے۔
ایک بیان میں، الهاملی نےکہا کہ تنازع کے آغاز سے، متحدہ عرب امارات نے اپنے شراکت داروں کے ساتھ مل کر دو طرفہ اور کثیر جہتی فورمز کے ذریعے کشیدگی میں کمی، جنگ بندی اور سفارتی بات چیت کے آغاز پر زور دیا ہے۔
انہوں نے مزید کہا کہ متحدہ عرب امارات نے سیاسی عمل اور حکومت سازی کے لیے قومی اتفاق رائے کے حصول کی کوششوں کی مسلسل حمایت کی ہے اور وہ جنگ بندی ہونے تک سوڈان میں سلامتی کے حصول اور اس کے استحکام اور خوشحالی کے فروغ کے لیے تمام کوششوں کی حمایت جاری رکھے گا۔
مزید برآں، الهاملی نے اس بات پر زور دیا کہ متحدہ عرب امارات سوڈانی عوام کو متاثر کرنے والی انسانی صورتحال اور پڑوسی ممالک پر اس کے اثرات پر نظر رکھے ہوئے ہے۔
متحدہ عرب امارات انسانی مصائب کے خاتمے کے لیے ہر قسم کی مدد فراہم کرنے کےلیے کوشاں ہے، اور اس نے فضائی اور سمندری راستے سے امدادی کی فراہم کرتے ہوئے بیمار، بچوں، بوڑھوں اور خواتین سمیت انتہائی کمزور گروہوں کے لیے تقریباً 2ہزارٹن طبی امداد، خوراک اور امدادی سامان فراہم کیا گیا ہے۔
متحدہ عرب امارات نے قومیت، عمر، جنس یا سیاسی وابستگی سے قطع نظر، طبی دیکھ بھال کے ضرورت مندوں کے لیے جولائی میں چاڈ کے شہر ام جرس میں ایک فیلڈ ہسپتال قائم کیا۔ ہسپتال سے ابتک 4,147 مریضوں کا کامیابی سے علاج کیا گیا ہے۔ مزید برآں، الھاملی نے بتایا کیا کہ متحدہ عرب امارات نے حال ہی میں چاڈ کے شہر ام جرس میں متحدہ عرب امارات کی غیر ملکی امداد کے لیے ایک رابطہ دفتربھی قائم کیا ہے۔
