متحدہ عرب امارات نے غزہ پٹی میں جبالیہ کیمپ پر اسرائیل کی جانب سے کی گئی بمباری کی شدید مذمت کی ہے۔ واضح رہے کہ اس کے نتیجے میں سینکڑوں افراد ہلاک اور کئی سارے زخمی ہوئے ہیں۔ اس دوران وزارت نے اس بات پر زور دیا کہ قاتلانہ بمباری کا تسلسل خطے کو ایسے نتائج کی طرف لے جائے گا جن کا تدارک مشکل ہو گا۔
اپنے ایک بیان میں بین الاقوامی انسانی قانون اور بین الاقوامی معاہدوں کے تحت شہریوں کے مکمل تحفظ سے لطف اندوز ہونے کی اہمیت اور تنازعات کا نشانہ نہ بننے کی ضرورت پر تاکید کرتے ہوئے وزارت خارجہ نے خونریزی کو روکنے کے لیے فوری جنگ بندی کی ضرورت پر زور دیا۔
وزارت نے اقوام متحدہ کی جنرل اسمبلی کی قرارداد کی اہمیت پر زور دیا جس میں انسانی ہمدردی کی بنیاد پر جنگ بندی اور دشمنی کے خاتمے کا مطالبہ کیا گیا ہے جس میں کشیدگی کو روکنے اور جانوں کے تحفظ کے لیے ایک اہم قدم ہے۔ وزارت نے پٹی کو محفوظ، فوری، پائیدار اور بلا روک ٹوک امداد پہنچانے کی اجازت دئے جانے کا بھی طالبہ کیا۔
گذشتہ پیر کو اسرائیل کی جانب سے غزہ پٹی میں اس کی زمینی کارروائیوں کو وسعت دینے کی کوشش کی روشنی میں اقوام متحدہ کی سلامتی کونسل نے متحدہ عرب امارات کی درخواست پر ایک ہنگامی اجلاس منعقد کیا تھا۔ اس کے دوران مملکت نے عالمی برادری پر زور دیا کہ وہ مصائب کے اس چکر کو ختم کرنے کے لیے مضبوط موقف اختیار کرے نیز مملکت نے اس بات پر زور دیا کہ سیاسی افق کی عدم موجودگی سے تباہ کن نتائج کا خطرہ ہے، اور جو کچھ ہو رہا ہے اسے نظر انداز کرنے سے خطے میں امن و استحکام کے امکانات پر تباہ کن نتائج مرتب ہوں گے۔
