عزت مآب شیخ عبداللہ بن زید النہیان، وزیر خارجہ امور اور بین الاقوامی تعاون، نے نیویارک میں اقوام متحدہ کی جنرل اسمبلی کے 77ویں اجلاس کے موقع پر موجود عزت مآب حسین امیر عبداللہ ایران کے وزیر خارجہ؛سے ملاقات کی ہے۔
ملاقات کے دوران فریقین نے دوطرفہ تعلقات اور مشترکہ مفادات کے حصول کے لیے دونوں ممالک کے درمیان تعاون بڑھانے کے طریقوں پر تبادلہ خیال کیا۔ انہوں نے علاقائی اور بین الاقوامی پیش رفت پر بھی بات چیت کی۔۔
دونوں سفارت کاروں نے اقوام متحدہ کی جنرل اسمبلی کے ایجنڈے میں شامل متعدد امور کا بھی جائزہ لیا۔
عزت مآب شیخ عبداللہ بن زید النہیان،نے خطے میں استحکام اور امن کے ستونوں کو مستحکم کرنے اور مزید ترقی اور خوشحالی کے لیے عوام کی امنگوں کے حصول کے لیے بین الاقوامی تعاون کو مضبوط بنانے کی اہمیت پر بھی زور دیا۔
اجلاس میں ریم بنت ابراہیم الہاشمی، وزیر مملکت برائے بین الاقوامی تعاون؛ عزت مآب خلیفہ شاہین المرار، وزیر مملکت؛ اور سفیر لانا نسیبہ، معاون وزیر برائے سیاسی امور اور اقوام متحدہ میں متحدہ عرب امارات کی مستقل نمائندہ؛نے شرکت کی۔
