اسرائیل کے صدر اسحاق ہرزوگ کو صدر عزت مآب شیخ محمد بن زاید النہیان کی جانب سے ابوظہبی خلائی ڈائیلاگ میں شرکت کا باضابطہ دعوت نامہ موصول ہوا،جس کا انعقاد ہز ہائینس کی سرپرستی میں اس سال دسمبر میں دارالحکومت ابوظہبی میں امارات کی خلائی ایجنسی کے زیر اہتمام کیا جائے گا۔
اسرائیلی صدر نے وزیر خارجہ اور بین الاقوامی تعاون کے وزیر عزت مآب شیخ عبداللہ بن زاید النہیان کا استقبال کیا، جو اس وقت اسرائیل کے سرکاری دورے پر ہیں، انہوں نے دعوت نامہ حوالے کیا۔
متحدہ عرب امارات کے اعلیٰ سفارت کار نے صدر عزت مآب شیخ محمد بن زاید النہیان کی جانب سے مبارکباد پیش کی اور اسرائیل کی ریاست کی ترقی اور خوشحالی کیلئے ان کی خواہشات کا اظہار کیا۔ اسرائیلی صدر نے بھی خواہشات کا جواب دیتے ہوئے مبارکباد کا پیغام دیا۔
دونوں فریقین کے ساتھ ملاقات کے دوران متحدہ عرب امارات اور ریاست اسرائیل کے درمیان شراکت داری کو مضبوط بنانے کے امکانات نمایاں ہوئے،جس میں دونوں ممالک کے عوام کی مشترکہ بھلائی کے لیے معیشت، سرمایہ کاری، خوراک کی حفاظت اور دیگر شعبوں میں تعاون بڑھانے کی اہمیت پر زور دیا گیا۔
ملاقات کے دوران متعدد دلچسپی کے امور کا جائزہ لیا گیا،جن میں خطے کی صورتحال اور امن و استحکام کو مستحکم کرنے کی کوششوں سمیت تازہ ترین علاقائی اور بین الاقوامی پیش رفت پر دونوں فریقین نے تبادلہ خیال کیا۔
اسرائیل کے صدر اسحاق ہرزوگ؛نے عزت مآب شیخ عبداللہ بن زاید النہیان،اور ان کے ساتھ آنے والے وفد کے دورے کا خیرمقدم کرتے ہوئے دوطرفہ تعلقات کو مضبوط بنانے اور دونوں ممالک اور ان کے عوام کے فائدے کے لیے بڑھتے ہوئے تعاون میں اس دورے کی اہمیت کو بیان کیا۔
عزت مآب شیخ عبداللہ،نے بھی اماراتی-اسرائیل تعلقات میں مسلسل ترقی و فروغ اور باہمی مفادات کے حصول اور اپنے عوام کی خوشحالی میں کردار ادا کرنے کے لیے ہر سطح پر اپنے تعاون کو بڑھانے کے لیے دونوں ممالک کی خواہش کو سراہا۔
عزت مآب نے اس بات پر زور دیا کہ ابراہم معاہدے امن معاہدے نے متحدہ عرب امارات اور ریاست اسرائیل کے درمیان مراعات یافتہ تعلقات استوار کرنے اور ان کی شراکت داری کو تقویت دینے کے امید افزا امکانات کھولے ہیں۔
عزت مآب شیخ عبداللہ،نے اپنے عوام کی اعلیٰ بھلائی کے لیے مشرق وسطیٰ میں امن، استحکام اور ترقی کے حصول کے لیے متحدہ عرب امارات کی خواہش کی بھی تصدیق کی۔
ملاقات کے بعد اسرائیلی صدر نے وزیر خارجہ اور بین الاقوامی تعاون کے وزیر عزت مآب شیخ عبداللہ بن زاید النہیان،اور ان کے ہمراہ آنے والے وفد کے اعزاز میں ظہرانہ دیا۔
اجلاس میں ہمراہ آنے والے وفد میں جن اعلیٰ حکام نے شرکت کی ان میں ۔
محترمہ ریم بنت ابراہیم الہاشمی، وزیر مملکت برائے بین الاقوامی تعاون،
محترمہ نورا بنت محمد الکعبی، وزیر ثقافت اور یوتھ،
عزت مآب احمد علی الصیغ، وزیر مملکت،
محترمہ نورا بنت محمد الکعبی، وزیر ثقافت اور یوتھ،
عزت مآب احمد بن علی محمد السیغ، وزیر مملکت،
عزت مآب عمر غوباش، معاون وزیر برائے ثقافت اور عوامی سفارت کاری، وزارت خارجہ،
اور عزت مآب محمد محمود الخجا، اسرائیل میں متحدہ عرب امارات کے سفیر،بھی شامل تھے ۔
