پیر کے روز، متحدہ عرب امارات کو برطانیہ کے نئے الیکٹرانک ٹریول آتھرائزیشن (ETA )سسٹم کے اہل ممالک کی فہرست میں شامل کر لیاگیا ہے، جس سے متحدہ عرب امارات کے پاسپورٹ ہولڈرز کے لیے 2023 سے برطانیہ کے ویزا سے استثنیٰ قرار اور پابندیاں ہٹا دی گئیں ہیں ۔
تاریخی اعلان کے ذریعے، متحدہ عرب امارات کے شہریوں کو برطانیہ جانے کے لیے مزید ویزے کی ضرورت نہیں ہوگی، یہ یونائیٹڈ کنگڈم کے دیگر اہم شراکت داروں بشمول ریاستہائے متحدہ امریکہ اور کینیڈا کے ساتھ ہم آہنگی کے قوانین کو لانا ہے۔اس فیصلے سے برطانیہ سے تعلقات مزید مستحکم ہوں گے۔اماراتیوں کے لیے مقبول ترین سیاحتی مقامات میں سے ایک کے طور پر، اور ہر سال برطانیہ آنے والے متحدہ عرب امارات کے بہت سے شہریوں کو بہت فائدہ پہنچے گا۔
اس کے علاوہ متحدہ عرب امارات کو برطانیہ تک زیادہ سے زیادہ رسائی دینے سے دونوں ممالک کے درمیان اہم اقتصادی اور سفارتی تعلقات بھی مزید مضبوط ہوں گے۔
متحدہ عرب امارات خطے میں برطانیہ کے سب سے اہم تجارتی شراکت داروں میں سے ایک ہے اور برطانیہ کی برآمدات کے لیے تیزی سے ترقی کرنے والی منڈیوں میں سے ایک ہے۔پچھلے سال مستقبل کے لیے شراکت داری اور خودمختار سرمایہ کاری کی شراکت پر دستخط کے ذریعے، متحدہ عرب امارات اور برطانیہ نے توانائی کی منتقلی، پائیداری، تعلیم اور ثقافتی ترقی جیسے مختلف شعبوں میں تعاون کو مضبوط کرنا جاری رکھا ہے۔
برطانیہ میں متحدہ عرب امارات کے سفیر محترم منصور ابوالحول نے تبصرہ کیا:"برطانیہ کا دورہ کرنے کے خواہشمند اماراتیوں کے لیے سفر میں آسانی کا حصول ہماری اولین ترجیحات میں شامل ہے۔ تفریح یا کاروبار کے لیے ان کا برطانیہ کا سفر انتہائی آسان بنایا جائے گا۔آج کی تاریخی کامیابی متحدہ عرب امارات اور برطانیہ کے درمیان قریبی سفارتی تعلقات کو مضبوط بنانے اور ہماری معیشتوں میں مزید ترقی کو فروغ دینے میں بھی مددگار ثابت ہوگی۔یہ برطانیہ اور بین الاقوامی سطح پر متحدہ عرب امارات کے اعلیٰ احترام کی نشاندہی بھی کرتا ہے۔
یہ فیصلہ، جسے خلیج تعاون کونسل (جی سی سی) کے دیگر ممالک تک بڑھا دیا گیا ہے، کا اعلان برطانیہ کے ہوم آفس نے کیا تھا اور یہ 2025 کے آخر تک حکومت برطانیہ کے مکمل ڈیجیٹل بارڈر کے اقدام کا حصہ ہے۔
حکومت برطانیہ کی ہوم سکریٹری پریتی پٹیل نے کہا کہ متحدہ عرب امارات اور دیگر خلیجی ریاستیں۔"برطانیہ کے ای ٹی اے اور ویزا فری سفر سے مستفید ہونے والے دنیا کے پہلے ممالک میں شامل ہوں گے۔"
2023 میں اس نظام کے شروع ہونے تک، متحدہ عرب امارات کے شہری جو برطانیہ کا دورہ کرنے کے خواہشمند ہیں، انہیں الیکٹرانک ویزا ویور سروس کا استعمال کرنا ہوگا۔ جو فرداً برطانیہ کے ہر دورے سے ویزا سے استثنیٰ قرار دیتا ہے۔
