متحدہ عرب امارات نے جمہوریہ پولینڈ میں یوکرائنی پناہ گزینوں کی مدد کے لیے 27 ٹن خوراک اور طبی سامان لے کر ایک طیارہ بھیجا ہے۔ یہ متحدہ عرب امارات کی جانب سے بے گھر ہونے والے یوکرینیوں اور پناہ گزینوں کو درپیش انسانی نقصانات کو کم کرنے میں مدد کے لیے مسلسل کوششوں کا حصہ ہے۔
اس سلسلے میں یوکرین میں متحدہ عرب امارات کے سفیر ہز ہائینس سالم احمد الکعبی نے یوکرین کے پناہ گزینوں کی امداد اور مدد کے لیے انسانی بنیادوں پر امدادی کوششوں میں تعاون کرنے کے لیے متحدہ عرب امارات کی خواہش کی تصدیق کی۔یہ متحدہ عرب امارات کی قیادت کے انسانی یکجہتی اور دنیا کے تمام لوگوں کی حمایت کرنے اور ان کے انسانی بحرانوں پر قابو پانے اور ان کے دکھوں کو کم کرنے میں ان کے ساتھ کھڑے ہونے کے اقدار اور اصولوں پر یقین کی پیروی کرتا ہے۔
یوکرائنی بحران کے آغاز کے بعد سے متحدہ عرب امارات نے 18.3 ملین درہم (5 ملین امریکی ڈالر) کے عطیہ کے اعلان کے ایک حصے کے طور پر 156 ٹن خوراک اور طبی امداد اور ایمبولینسیں لے کر چھ طیارے پولینڈ اور مالڈووا بھیجے ہیں۔یہ فوری طور پر درکار امداد فراہم کرنے کے لیے اقوام متحدہ کی انسانی ہمدردی کی فلیش اپیل اور ریجنل ریفیوجی ریسپانس پلان کی درخواست و تناظر میں ہے۔ دبئی انٹرنیشنل ہیومینٹیرین سٹی (IHC) نے شہر میں بین الاقوامی تنظیموں کے تعاون سے 124 ٹن امدادی سامان اور پناہ گاہوں کےاقیوپمنٹ بھیجے ہیں ۔
