متحدہ عرب امارات نے انسداد منی لانڈرنگ (اے ایم ایل) اور انسداد دہشت گردی کی مالی معاونت (سی ایف ٹی) کے سلسلے میں اپنے ریگولیٹری فریم ورک کو مضبوط کرنے کے لیے اپنے جاری عزم اور کوششوں کا اعادہ کیا ہے۔
بین الاقوامی معیارات اور AML/CFT انسداد منی لانڈرنگ اور انسداد دہشت گردی کی قومی حکمت عملی کے مطابق، متحدہ عرب امارات کے حکام عالمی مالیاتی نظام کی سالمیت، حفاظت اور سلامتی کو یقینی بنانے کے لیے مضبوط اسکریننگ سسٹم اور عمل کے ساتھ موثر پابندیوں کو برقرار رکھنے اور ان پر عمل درآمد جاری رکھے ہوئے ہیں۔
آج تک، متحدہ عرب امارات کے مجاز حکام کے ذریعے ملک کے مالیاتی ماحول کے تحفظ کے لیے موثر اقدامات اور فعال ریگولیٹری کارروائی عمل میں لائی گئی ہے، جس میں متحدہ عرب امارات کے مرکزی بینک سمیت؛ سیکورٹیز اینڈ کموڈٹیز اتھارٹی؛ وزارت اقتصادیات؛وزارت انصاف؛ ابوظہبی گلوبل مارکیٹ؛ اور دبئی فنانشل سروسز اتھارٹی کے ساتھ ساتھ تعاون اسٹیک ہولڈرز کے درمیان قریبی تعلقات و تعاون،شامل ہیں ۔
ایک ایسی قوم کے طور پر جو کاروبار کرنے کے لیے ایک اہم عالمی مالیاتی مرکز بن چکا ہے، متحدہ عرب امارات نے مالیاتی جرائم سے نمٹنے کے لیے بین الاقوامی برادری کے ساتھ مل کر کام کرنے اور بین الاقوامی پابندیوں کے پروگراموں کے سلسلے میں کاروباری اداروں کو ان کی ذمہ داریوں کی یاد دلانے کے عزم کا اعادہ کیا ہے۔
متحدہ عرب امارات کے ایگزیکٹو آفس برائے انسداد منی لانڈرنگ اور کاؤنٹر ٹیررسٹ فنانسنگ کے ڈائریکٹر جنرل حامد الزابی نے کہا،"ایک عالمی تجارتی مرکز کے طور پر، متحدہ عرب امارات پوری دنیا کے کاروبار، انٹرپرینیور اور کاروباری افراد کے لیے کھلا ہے۔انسداد منی لانڈرنگ اور انسداد دہشت گردی AML/CFT کے ایگزیکٹو آفس میں، ہمارا مقصد مالی جرائم سے نمٹنے کے لیے متحدہ عرب امارات کے فریم ورک کو مسلسل مضبوط بنانا ہے۔"
ریگولیٹری فرنٹ پر، الزابی نے مزید کہا،"ہم فعال طور پر اپنے نقطہ نظر کو آگے بڑھا رہے ہیں، بین الاقوامی معیارات کے مطابق ضابطے اور نفاذ کا ایک مستحکم اور موثر نظام پیش کر رہے ہیں، کاروباری برادری کے ساتھ مل کر کام کر رہے ہیں تاکہ یہ یقینی بنایا جا سکے کہ وہ ایک پرکشش اور لچکدار ماحول میں تعمیل اور ترقی کر سکیں۔"
طلال محمد التینیجی، ایگزیکٹو آفس برائے کنٹرول اور عدم پھیلاؤ کے ڈائریکٹر نے کہا،"بین الاقوامی برادری کے ایک ذمہ دار رکن کے طور پر، متحدہ عرب امارات ہدف مالی پابندیوں کے اطلاق کے ذریعے ملکی معیشت کے استحکام اور سالمیت کو محفوظ بنانے کے لیے پرعزم ہے۔ یہی وجہ ہے کہ کنٹرول اور عدم پھیلاؤ کے ایگزیکٹو آفس میں ہم بین الاقوامی ذمہ داریوں اور بہترین عمل کے مطابق ہدفی مالی پابندیوں اور جنگی پابندیوں کی چوری کو روکنے کے لیے متحدہ عرب امارات کے نگراں حکام اور نجی شعبے کے ساتھ مل کر کام کرتے ہیں۔"
