سفیروں

عزت مآب شیخ عبداللہ بن زید النہیان وزیر خارجہ اور بین الاقوامی تعاون کی سرپرستی اور موجودگی میں،  متحدہ عرب امارات کے سفیروں اور بیرون ملک مشنز کے نمائندوں کا 16واں فورم کا آغاز ہو گیا ہے ۔

وزارت خارجہ اور بین الاقوامی تعاون MoFAIC کے زیر اہتمام پانچ روزہ فورم کا آغاز کل وزارت کے ہیڈ کوارٹر میں ہوا۔ہائبرڈ فورم 21 سے 25 مارچ تک ذاتی طور پر حاضری اور ویڈیو کال کے ذریعے منعقد کیا جا رہا ہے۔

اس سال کا فورم، ملک کی خارجہ پالیسی کی مستقبل کی تشکیل کے لیے موجودہ اور اہم مسائل، علاقائی اور بین الاقوامی سطح پر اہم جیوسٹریٹیجک پیش رفت کے ساتھ ساتھ اپنی متوازن اور اعتدال پسند خارجہ پالیسی کے حوالے سے متحدہ عرب امارات کے نقطہ نظر پر بات کرے گا۔

فورم کے پہلے دن کا افتتاح عزت مآب شیخ عبداللہ بن زاید النہیان کے استقبالیہ کلمات سے ہوا، جسے یو اے ای کے صدر کے سفارتی مشیر محترم ڈاکٹر انور گگرگاش نے پیش کیا۔جہاں انہوں نے متحدہ عرب امارات تصویر پیش کرنے اور اس کے قومی اصولوں کے ذریعے اپنی نرم سفارت کاری کو فروغ دینے میں سفیروں اور بیرون ملک، ملک کے سفارتی مشنز کے نمائندوں کے اہم کردار پر زور دیا۔ہز ہائینس نے مزید کہا کہ متحدہ عرب امارات نے حال ہی میں اپنے قیام کے پچاس سال منائے ہیں، اور آج ایک مستحکم اور ٹھوس رفتار سے اگلے پچاس سالوں کی طرف بڑھ رہا ہے، جس کے لیے ہم سب کو اپنی کوششیں بڑھانے کی ضرورت ہے۔

ہز ہائینس نے کہا،"گذشتہ برسوں کے دوران، متحدہ عرب امارات نے مختلف شعبوں میں متاثر کن کامیابیاں حاصل کی ہیں، جو ترقی پذیر دنیا کے بہت سے ممالک کے لیے تحریک کا ذریعہ اور ایک بااثر بین الاقوامی کردار بن کر ابھرا ہے۔اس سال کا آغاز متحدہ عرب امارات کے اقوام متحدہ کی سلامتی کونسل کے رکن کے طور پر بین الاقوامی برادری میں اپنی درست پوزیشن لینے کے ساتھ ہوا۔ یہ رکنیت متحدہ عرب امارات کی سفارت کاری اور عالمی سطح پر اس کے تعمیری اور مثبت کردار کی تعریف کی عکاس ہے۔مزید برآں، متحدہ عرب امارات کا انسانی حقوق کی کونسل اور انٹرنیشنل کریمنل پولیس آرگنائزیشن INTERPOL کی صدارت کے لیے انتخاب، وہ کامیابیاں ہیں جن کو پورا کرنے میں وزارت خارجہ اور بین الاقوامی تعاون کا فعال کردار تھا،"

ہز ہائینس نے مزید کہا: "یہ رکنیتیں ہمیں اگلے مرحلے تک لے جاتی ہیں جس کے لیے ہمیں دنیا کو متحدہ عرب امارات کی ترقی، رواداری اور امن کی معتدل قوم کے طور پر تصویر پیش کرنے کے لیے انتھک محنت کرنے کی ضرورت ہے۔"

مزید برآں، ہز ہائینس نے نشاندہی کی کہ دنیا تبدیلیوں اور چیلنجوں کا سامنا کر رہی ہے، اور ہمیں اس کے لیے موثر تعاون اور ہم آہنگی پر مبنی مستقبل کی پالیسی اور فعال سفارت کاری کے ذریعے تیار رہنا چاہیے۔یہاں، عرب علاقائی نظام کی بحالی کی اہمیت یہ ہے کہ اسے جدید پالیسیوں کے اندر بحال کیا جانا چاہیے جو اختلاف کا احترام کرتی ہیں اور تعمیری بات چیت کے ذریعے اور اندرونی معاملات میں مداخلت کے بغیر اختلاف کو مسترد کرتی ہیں۔

مزید برآں، ہز ہائینس نے حالیہ کشیدگی اور بیلسٹک میزائلوں اور ڈرونز کے ساتھ غدار دہشت گردانہ حملوں کا ذکر کیا جن کا متحدہ عرب امارات کو نشانہ بنایا گیا، جس میں بدقسمتی سے معصوم شہریوں کی جانیں گئیں۔اس سلسلے میں، انہوں نے کہا: "ان خطرات کا مقابلہ کرنے اور ان سے مضبوطی سے نمٹنے کے لیے متحدہ عرب امارات کی تیاری پر زور دینا ضروری ہے اور متحدہ عرب امارات محفوظ اور چوکس ہاتھوں میں ہے۔"

ہز ہائینس نے مزید کہا:"ہم حوثی ملیشیا کو ایک دہشت گرد گروپ کے طور پر درجہ بندی کرنے اور ان کے جارحانہ رویے اور خطے کی سلامتی اور استحکام کو لاحق خطرات کو ختم کرنے کے لیے ان کے خلاف فیصلہ کن اور ٹھوس اقدامات کرنے کے لیے دوست ممالک اور عالمی برادری کے ساتھ مل کر کام کر رہے ہیں، اور اقوام متحدہ کی سلامتی کونسل کی متعلقہ قراردادوں کے مطابق یمن میں جنگ بندی کے فیصلوں اور سیاسی حل کے لیے بین الاقوامی کوششوں میں شامل ہونے کے لیے ان پر دباؤ ڈالنے پر زور دیتے ہیں۔

اپنے پہلے دن فورم نے اپنے مہمان خصوصی جمہوریہ ترکی کے وزیرِ خارجہ میولوت چاوش اوغلو کی افتتاحی تقریر کا مشاہدہ کیا جس کے دوران انہوں نے " -ترکی متحدہ عرب امارات تعلقات" کا جائزہ لیا؛ اور فورم میں شرکت کی دعوت پر عزت مآب شیخ عبداللہ بن زید النہیان کا شکریہ اور تعریف کی۔

مزید برآں، پہلے دن محترم ڈاکٹر انور گرگاش کی زیر قیادت " متحدہ عرب امارات کے سفارتی نقطہ نظر" پر ایک سیشن کے ساتھ ساتھ عزت مآب احمد علی السیغ وزیر مملکت کے ساتھ "متحدہ عرب امارات کی اقتصادی سفارت کاری کی خواہشات۔" پر ایک سیشن شامل تھا ۔

فورم کے پہلے دن کا اختتام "اوپیک کی تازہ ترین پیشرفت" پر ایک پینل ڈسکشن کے ساتھ ہوا جس میں محترم احمد الکعبی؛ اسسٹنٹ انڈر سیکرٹری برائے پٹرولیم، گیس اور معدنی وسائل اور متحدہ عرب امارات کے گورنر اوپیک؛ کے ساتھ تھے۔

اس سال کے فورم میں متعدد وزراء، اعلیٰ حکام، سفیروں، بیرون ملک ملک کے نمائندہ مشنز کے سربراہان، وزارت خارجہ اور بین الاقوامی تعاون کے محکموں کے ڈائریکٹرز اور ملک کے متعدد سرکاری اداروں اور اداروں کی شرکت اور متحدہ عرب امارات کی سفارت کاری کے اہداف کو فروغ دینے اور ترقی دینے میں وزارت کے تعاون کے طور پر مختلف شعبوں سے، کا مشاہدہ کیا جائے گا۔

مسلسل پانچ دنوں کے دوران، فورم سیاست، ثقافت، قانون، مواصلات، اختراعات اور جدید علوم کے اہم محوروں سے خطاب کرے گا۔ فورم کے شرکاء گزشتہ سال کے دوران وزارت خارجہ اور بین الاقوامی تعاون کی اہم ترین اور نمایاں کامیابیوں  اور کام کے طریقہ کار، نئے پروگراموں اور خدمات میں خاص طور پر قونصلر سیکٹر میں سب سے اہم پیش رفت کے ساتھ ساتھ متحدہ عرب امارات کی حکومت کی حکمت عملی کو پورا کرنے کے لیے مستقبل کے منصوبے کا بھی جائزہ لیں گے۔

ابوظہبی میں ہر سال منعقد ہونے والا یہ فورم متحدہ عرب امارات کی خارجہ پالیسی کے اثرات  کو بہتر سے بہترین بنانے کیلئے علاقائی اور بین الاقوامی پیش رفت پر قیادت، حکام، متحدہ عرب امارات کے سفیروں اور بیرون ملک نمائندوں کے درمیان بات چیت، مکالمے،سوچ اور خیالات کے تبادلے کو فروغ دیتا ہے۔