عزت مآب شیخ محمد بن راشد المکتوم نائب صدر اور متحدہ عرب امارات کے وزیر اعظم اور دبئی کے حکمران نے آج ایکسپو 2020 دبئی میں بوٹسوانا، زمبابوے اور ماریشس کے صدور سے ان کے متعلقہ پویلین میں ملاقات کی۔
شیخ محمد نے کہا کہ متحدہ عرب امارات افریقی ممالک کے ساتھ تعلقات کو فروغ دینے اور مشترکہ مفادات کو آگے بڑھانے کے لیے دوطرفہ تعاون کو بڑھانے کا خواہاں ہے۔ہز ہائینس نے افریقی ممالک میں جاری ترقیاتی کوششوں اور مختلف اقدامات کی تعریف کی جن کا مقصد ان ممالک میں قدرتی وسائل سے متعلق منصوبوں سے لوگوں کو فائدہ اٹھانے کے مواقع فراہم کرنا ہے۔افریقی ممالک میں بڑے پیمانے پر انفراسٹرکچر پروجیکٹس، منصوبوں کی تعریف کرتے ہوئے، انہوں نے کہا کہ متحدہ عرب امارات ترقی کی کوششوں کو بڑھانے کے لیے شراکت داری اور علم کے تبادلے کو فروغ دینے پر پختہ یقین رکھتا ہے۔
بوٹسوانا کے پویلین میں، ہز ہائی نیس اور جمہوریہ بوٹسوانا کے صدر ڈاکٹر موکگویٹسی ایرک کیابٹسوے مسی نے، دو طرفہ تعلقات اور اسے فروغ دینے کے ذرائع، خاص طور پر سرمایہ کاری اور تجارت کے شعبوں میں تبادلہ خیال کیا۔ دونوں رہنماؤں نے خطے پر ایکسپو 2020 کے مثبت اثرات پر بھی تبادلہ خیال کیا۔ عزت مآب شیخ محمد اور بوٹسوانا کے صدر نے موبیلٹی ڈسٹرکٹ میں واقع پویلین کا دورہ کیا اور سرمایہ کاری کے ان مواقع کے بارے میں سیکھا جو بوٹسوانا اپنے پویلین میں دکھا رہا ہے اور اس کے علاوہ ماحولیاتی اور ثقافتی تنوع جو اس کے پویلین نمایاں کرتے ہیں۔
زمبابوے کے پویلین میں عزت مآب شیخ محمد نے ملک کے صدر ایمرسن منانگاگوا سے ملاقات کی اور دو طرفہ تعلقات کا جائزہ لیا۔ زمبابوے کے صدر نے کہا کہ ان کا ملک متحدہ عرب امارات کو مشرق وسطیٰ، ایشیا اور یورپ کی منڈیوں تک رسائی کے لیے گیٹ وے کے طور پر دیکھتا ہے۔
ملاقات میں تجارتی تبادلے کو فروغ دینے اور دونوں ممالک کے نجی شعبوں کو سرمایہ کاری کے نئے مواقع تلاش کرنے کے قابل بنانے کے طریقوں پر بھی تبادلہ خیال کیا گیا، جس سے دونوں ممالک کے درمیان مضبوط اقتصادی تعلقات استوار ہوں گے۔متحدہ عرب امارات زمبابوے کا دوسرا بڑا تجارتی شراکت دار ہے۔ دونوں رہنماؤں نے زراعت، کان کنی، توانائی اور فارماسیوٹیکل انڈسٹری کے شعبوں میں سرمایہ کاری کے نئے مواقع تلاش کرنے کے لیے تعاون پر بھی تبادلہ خیال کیا،اور ان اہم شعبوں کو زمبابوے فروغ دینے کی کوشش کر رہا ہے۔
عزت مآب شیخ محمد اور زمبابوے کے صدر ایمرسن منانگاگوا نے زمبابوے پویلین کا دورہ بھی کیا جہاں انہیں ملک کی ثقافت، لوگ، ورثے اور زمین کے ساتھ ساتھ عوام کی بہتر زندگی بنانے کے لیے ٹیکنالوجی کو اپنانے کے وژن کے بارے میں بتایا گیا۔
ماریشس کے پویلین میں، عزت مآب شیخ محمد اور ماریشس کے صدر پرتھوی راج سنگھ روپن نے دو طرفہ تعاون کو فروغ دینے اور ساتھ ساتھ مختلف شعبوں میں تعاون کو مضبوط بنانے کے لیے نئی راہیں تلاش کرنے اور خصوصاً سیاحت میں دونوں ممالک کے مقاصد کو پورا کرنے کے طریقوں پر تبادلہ خیال کیا۔
عزت مآب شیخ محمد اور صدر پرتھوی راج سنگھ نے ماریشس کے پویلین کا بھی دورہ کیا، جو جزیرے کی قدیم قدرتی خوبصورتی، اس کے منفرد حیاتیاتی تنوع سے بھرپور ثقافت اور ورثے کے ساتھ ساتھ کاروبار اور سرمایہ کاری کے دلچسپ مواقع کو اجاگر کرتا ہے۔
ایکسپو 2020 دبئی کے اپنے دورے کے دوران ہز ہائینس شیخ محمد نے اسنیپ انک کے شریک بانی اور سی ای او ایون اسپیگل سے بھی ملاقات کی جو امریکہ کی معروف سوشل میڈیا کمپنی اور مشہور میسجنگ ایپ سنیپ چیٹ کی مالک ہیں ۔
ہز ہائینس نے ایکسپو 2020 دبئی کے دورے کے دوران روانڈا اور کینیا کے پویلین کا بھی دورہ کیا۔
ایکسپو 2020 دبئی ک آپرچیونٹی ڈسٹرکٹ میں ’قابل ذکر روانڈا‘ کے تھیم کے تحت منعقدہ روانڈا کے پویلین میں، ہز ہائینس نے روانڈا کی تاریخ اور گزشتہ 27 سالوں میں ترقی کے شاندار سفر کے ساتھ ساتھ ملک کے وژن 2050 کے بارے میں معلومات حاصل کیں۔
پویلین میں روایتی، ثقافتی تفریح اور رقص، ورچوئل رئیلٹی ٹور، اور ملک کی تازہ ترین اختراعات کا تجربہ اور روانڈا کی بہترین کافی اور چائے کا مزہ چکھنے کا موقع ملتا ہے۔
کینیا کے پویلین میں "انرجی محسوس کریں، تھیم کے تحت جو آپرچیونٹی ڈسٹرکٹ کے اندر واقع ہے،ہز ہائینس نے کینیا کی زرعی، اقتصادی اور اختراعی صلاحیتوں کے ساتھ ساتھ ان کے مختلف کلیدی شعبوں اور لوگوں کی مہمان نوازی اور تخلیقی صلاحیتوں کے بارے میں سیکھا۔
