یو اے ای نے بیلجیئم کے بروگز میں نئی یورپی ڈپلومیٹک اکیڈمی کے افتتاح کے موقع پر یورپی یونین برائے خارجہ امور اور سلامتی کی پالیسی کے اعلیٰ نمائندے جوزپ بوریل کے نسل پرستانہ بیان کو مسترد کر دیا ہے۔اور کہا ہے کہ اس قسم کے بیانات نامناسب اور امتیازی ہیں۔
یو اے ای کی وزارت خارجہ اور بین الاقوامی تعاون (MOFAIC) کی طرف سے جاری کردہ ایک بیان میں، وزارت نے بوریل کے ریمارکس کو مسترد کرتے ہوئے انہیں نسل پرستانہ قرار دیتے ہوئے کہا کہ یہ بیانات دنیا بھر میں عدم برداشت اور امتیازی سلوک کے بگڑتے ہوئے ماحول میں معاون ہیں۔
یو اے ای کی وزارت خارجہ اور بین الاقوامی تعاون کی نمائندگی یورپی امور کے شعبے کے ڈائریکٹر عزت مآب محمد الشیحی اور سیاسی امور کے نائب معاون وزیر ریم کیتیت نے کی۔
یو اے ای میں یورپی یونین کے وفد میں مشن کے قائم مقام سربراہ مسٹر پالسن کو طلب کیا، اور اعلیٰ نمائندے کے دفتر سے اعلیٰ نمائندے کے تکلیف دہ اور امتیازی تبصروں کی تحریری وضاحت فراہم کرنے کو کہا گیا ہے۔
جوزپ بوریل کے تبصرے بہت مایوس کن ہیں، جو ایک ایسے وقت میں سامنے آئے ہیں جب تمام فریق دوسرے مذاہب، ثقافتوں اور نسلی گروہوں کے ساتھ ساتھ تکثیریت، بقائے باہمی اور رواداری جیسی اقدار کے احترام کی اہمیت سے آگاہ ہیں۔
