صدر مملکت عزت مآب شیخ محمد بن زاید آل نھیان نے "حفظه الله"، بیرون ملک مملکت کے دس سفیروں کو زید II میڈل، فرسٹ کلاس، سے سرفراز کیا۔ واضح رہے کہ ایسا متحدہ عرب امارات اور بہت سے دوست ممالک کے درمیان مضبوط اور جدید اقتصادی اور تجارتی تعاون اور شراکت داری کی تعمیر میں ان کے نمایاں کردار کے اعتراف میں کیا گیا۔
چنانچہ یہ اعزاز صدر مملکت عالی ذی وقار حفظه الله کی ہدایت کے تحت جن ممالک میں مرد اور خاتون سفیر کام کررہے ہیں ان کے ساتھ جدید اقتصادی اور تجارتی تعلقات استوار کرنے نیز ملک میں سرمایہ کاری کو راغب کرنا اور بیرون ملک اس کی برآمدات کا تناسب بڑھانے کے لئے ان کی جانب سے کی جانی والی کوششوں اور مبادرات کو سراہنے کے لئے انجام دیا گیا۔ دریں اثناء خارجہ امور کے وزیر عزت مآب شیخ عبدالله بن زايد آل نهيان نے وزارت خارجہ کے زیر اہتمام بیرون ملک ریاست کے نمائندہ مشنز کے سفیروں اور نمائندوں کے فورم کے موقع پر خواتین اور مرد سفیروں کو میڈلز سے نوازا۔
تمغہ حاصل کرنے والوں کی فہرست میں جو شخصیات شامل ہیں ہو کچھ یوں ہیں: آرمینیا میں متحدہ عرب امارات کے سفیر محترم ڈاکٹر نريمان محمد الملا، مالدیپ میں متحدہ عرب امارات کے سفیر عزت مآب رحمہ عبدالرحمن الشامسی، ریاست اسرائیل میں متحدہ عرب امارات کے سفیر عزت مآب محمد محمود آل خاجہ، دولت قطر میں متحدہ عرب امارات کے سفیر عزت مآب شیخ زايد بن خليفہ بن سلطان بن شخبوط آل نهيان، آسٹریا میں متحدہ عرب امارات کے سفیر عزت مآب حمد علی الکعبی، رومانیہ میں متحدہ عرب امارات کے سفیر عزت مآب سلطان محمد العلی، قبرص میں متحدہ عرب امارات کے سفیر عزت مآب محمد سیف الشحی، جمہوریہ فرانس میں متحدہ عرب امارات کی سفیر محترمہ ہند مانع العتیبہ، سنگاپور میں متحدہ عرب امارات کے سفیر عزت مآب جمال عبداللہ السویدی اور جمہوریہ ترکی میں متحدہ عرب امارات کے سفیر عزت مآب سعید ثانی الظاہری۔
عزت مآب شیخ عبدالله بن زايد آل نهيان نے ملک کے تمام سفارت خانوں اور بیرون ملک سفارتی مشنوں کو مکمل تعاون فراہم کرنے کے لیے مملکت کے صدر، عزت مآب شیخ محمد بن زاید ال نہیان حفظه الله کی خواہش پر زور دیا۔ جس سے کہ اس کو تفویض کردہ کاموں کو مکمل طور پر انجام دینے کے قابل بنانے اور دنیا کے برادر اور دوست ممالک کے ساتھ ترقی یافتہ اور تعمیری تعلقات استوار کرنے میں اپنا کردار ادا کرنا ممکن ہوگا، نیز اس سے پائیدار اقتصادی خوشحالی کے حصول کے لیے مملکت کی کوششوں کو حمایت ملے گی۔ اس کے ساتھ ساتھ عالی ذی وقار نے متحدہ عرب امارات کی سفارت کاری کے لیے لامحدود حمایت پر صدر عالی ذی وقار کا دل کی گہرائیوں سے شکریہ ادا کیا۔ آج کے معزز سفیروں اور سفارت خانوں میں کام کرنے والی تمام ٹیموں کی کاوشوں کو سراہتے ہوئے عزت مآب نے اس بات کی نشاندہی کی کہ معیشت جامع اور پائیدار ترقی کا نچوڑ ہے، جس نے نمایاں شراکتیں کیں جس نے علاقائی اور بین الاقوامی سطح پر بڑھتے ہوئے اور نتیجہ خیز اقتصادی تعلقات استوار کرنے کے لیے ریاست کے منصوبوں اور ہدایات کی حمایت کی۔
