نائب وزیراعظم اور وزیر خارجہ، تعلیم، انسانی ترقی اور سوسائٹی کونسل کے چیئرمین عزت مآب شیخ عبداللہ بن زاید آل نھیان نے اعلیٰ تعلیم کے ذمہ دار وزراء اور عرب دنیا میں سائنسی تحقیق کی انیسویں کانفرنس میں شریک ممالک اور تنظیموں کے وفود کے سربراہوں سے ملاقات کی۔ واضح رہے کہ عرب تعلیمی، ثقافتی اور سائنسی تنظیم (ALECSO) کے تعاون سے 27 اور 28 نومبر کو ابوظہبی میں "ایک لچکدار اعلیٰ تعلیمی نظام جو تیز رفتار اور پائیدار عالمی تبدیلیوں کے ساتھ رفتار برقرار رکھے" کے تحت متحدہ عرب امارات اس کی میزبانی کررہا ہے۔
عزت مآب نے وفود کے سربراہان کا خیرمقدم کرتے ہوئے اس بات پر زور دیا کہ تعلیم متحدہ عرب امارات کی قومی ترجیحات میں سے ایک ہے اور اس کے ترقیاتی منصوبوں میں سب سے آگے ہے۔ اس دوران آپ نے یہ امید ظاہر کی کہ یہ کانفرنس ایسی سفارشات اور کام کے طریقہ کار کے ساتھ سامنے آئے گی جس سے عرب دنیا میں اعلیٰ تعلیم کے شعبے کا معیار بلند ہو گا اور اس کی مسابقت میں اضافہ ہو گا۔
آج، "عرب دنیا میں اعلیٰ تعلیم اور سائنسی تحقیق کے ذمہ دار وزراء" کا وزارتی اجلاس شروع ہوا۔ جہاں متحدہ عرب امارات نے اس کانفرنس کی صدارت سنبھالی۔
چنانچہ اس اجلاس میں اعلیٰ تعلیمی نظام کی ترقی میں متحدہ عرب امارات کے تجربے کا جائزہ لیا جائے گا۔ نیز دسمبر 2021 میں الجزائر میں منعقد ہونے والی اٹھارویں کانفرنس (18) کی سفارشات پر عمل درآمد اور انیسویں کانفرنس (19) کی سفارشات کی منظوری کےحوالے سے رپورٹ پیش کی جائے گی۔ اس کے ساتھ ساتھ اس کانفرنس میں عرب اعلیٰ تعلیم اور سائنسی تحقیقی نظام کی ترقی کے حوالے سے "ابوظہبی اعلامیہ" کو بھی جاری کیا جائے گا۔
